Select Page

كملت ١٦ سنة! يلا ابدأ استثمار في مستقبلك

أعلنت الهيئة العامة للرقابة المالية عن تمكين الشباب من لحظة وصولهم لسن 16 سنة من فتح حساباتهم الاستثمارية والاستثمار بنفسهم

دايماً بنسمع إنه كل ما بدأت في الاستثمار من بدري كل ما ده كان أحسن بكتير. ولكن كان لغاية دلوقتي صعب  للشباب في مصر إنهم يبدأوا بدري من غير المستندات المطلوبة بموافقة ولي الأمر، وده صعب الأمر لأي شخص أقل من 21 سنة إنه يفتح حساب استثماري

النهاردة، الوضع اتغير، دلوقتي يقدر الشباب اللي أعمارهم بين 16 و21 سنة من إنهم يفتحوا حساباتهم الاستثمارية ويبدأوا رحلاتهم الاستثمارية بنفسهم وبشكل مستقل

التعديلات الجديدة دي أتاحت للشباب بديلاً وفرصة جديدة عن مجرد يكتفوا بأنهم يحوشوا مبالغ قليلة وبعد كده يصرفوها على آي حاجة غير ضرورية. دلوقتي يقدروا يستفيدوا و يستثمروا المبالغ مهما كانت قليلة، و يكتسبوا مهارات جديدة ويتعلموا إزاي ياخدوا قرارات كبيرة ومهمة وهما بيمروا بعملية الاستثمار، وكمان يتطلعوا للعوائد المميزة والمحتملة على استثماراتهم

وعلشان حماية المستثمرين الشباب الجداد، أصدرت الهيئة العامة للرقابة المالية حدًا للتداول بمقدار 10،000 جنيه مصري لأي شخص يتراوح سنه بين 16 و21 عامًا في البورصة المصرية EGX. لن يسمح باستخدام آليات الشراء بالهامش أو اقتراض الأوراق المالية بغرض البيع

منذ إطلاقنا، فتحت ثاندر السوق أمام موجة جديدة كاملة من المستثمرين. ويبلغ متوسط عمر المستثمر على ثاندر 29 سنة، وفي أكثر من 65٪ من مستخدمينا هم مستثمرون جداد. ودلوقتي بنرحب بالموجة الأصغر والأحدث من الشباب المستثمرين

هتفضل عملية فتح حساب استثماري للشباب اللي أعمارهم ما بين 16 و 21 سنة زي ما هي بالنسبة لأي شخص موجود على تطبيق ثاندر

  • أنشئ حساب جديد
  • املأ استمارات فتح الحساب داخل التطبيق
  • احجز موعدًا لتوقيع أوراقك واتفاقياتك
  • حدث معلومات الأمان الخاصة بك
  • موّل حسابك
  • أنت الآن جاهز للاستثمار

إحنا في ثاندر بنعمل على توفير منتجات استثمارية متنوعة، تخلي الاستثمار عملية سهلة وبسيطة لكل الناس. وبنتأكد كمان من تمكينك بالأدوات والموارد المناسبة علشان تقدر تاخد قرارات استثمارية سليمة. وإحنا بنفتخر  بقسم “اتعلم” اللي موجود في تطبيقنا واللي بدوره بيمكن كل الشباب ويساعدهم في زيادة معرفتهم الاستثمارية، وكمان يقدروا يتدربوا وهما بيتعلموا بعملات افتراضية قبل ما يبدأوا يستثمروا في العالم الحقيقي

إحنا متحمسين جدًا للتطور، وكل الخطوات اللي بتتاخذها كل من الهيئة العامة للرقابة المالية والبورصة المصرية لفتح السوق لمستثمرين جدد ونشر ثقافة الاستثمار بشكل أكبر

الخطوة دي تعتبر خطوة مهمة وكبيرة ناحية تحقيق الشمول المالي وتعزيز ثقافة الاستثمار وهتساعد الشباب في مصر على تحقيق حريتهم المالية

الحرية المالية: هي إنك تقدر تاخد قرارات كبيرة ومهمة في حياتك من غير ما تخلي قلق الفلوس يوقفك أو يأخر قرارك

مستني ايه؟

#JoinTheMovement

،أصدقائك

فريق ثاندر