اختر صفحة

الذكرى السنوية الأولى لثاندر 🎉

الشهر ده بنحتفل بالذكرى السنوية الأولى منذ إطلاق ثاندر.

اكثرية الدوافع اللي خليتنا نبدأ ثاندر ليها علاقة بتجاربنا الخاصة. في حالتي انا، حاولت افتح أول مرة أجرب استثمر في مصر كان في عام ٢٠١٦، والموضوع كان صعب جداً لسببين. أول سبب اني زي أي واحد من جيلي متعود على اني أعمل كل حاجة اونلاين و الحلول الموجودة ساعتها كانت مش أونلاين أو متأخرة جداً. السبب الثاني إن زي كتير منكوا مكنش عندي اي خلفية استثمارية. من الأعمال الورقية اللى لا تنتهي إلى زيارات الفروع العديدة والمنصات الغير بديهية اللى بتتعامل معاك على أنك خبير مش محتاج أي دعم. بطبيعة الحال، لقيت نفسي تايه وآعد بعمل غلطات كتيرة كان ممكن اتفاداها. لما نيجي نشوف وقتنا الحالي، معظم الأموال اللي عملتها جاءت من الاستثمارات اللى عملتها وليس من راتبي. من خلال ثاندر، هدفنا هو إن أي حد عايز يستثمر يعدي بتجربة أحسن كتير من تجربتي و يكون عنده فرصة متساوية يزود دخله.

من خلال العقلية التقدمية لقيادات الهيئة العامة للرقابة المالية والبورصة المصرية، ومساعدة شركائنا سوق المال اللي بيؤمنوا برؤيتنا، والدعم الثابت من مستثمرينا، والأهم من ذلك، الحماس والتعليقات القيمة من مستخدمي ثاندر، قدرنا نحقق حاجات كتير في وقت قصير. دي نبذة عن الحاجات اللي احنا فخورين بها:

  • الحصول على رخصة الوساطة المالية الأولى والوحيدة من الهيئة العامة للرقابة المالية منذ أكثر من عقد 🏆
  • مشاركة البورصة المصرية وشركة مصر للمقاصة في ريادة العمولة الصفرية في منطقة الشرق الأوسط 🥳
  • إطلاق أزيموت ادخار – أول صندوق استثماري في مصر يتم دعمه بالكامل من قبل المؤسسات المالية الغير مصرفية 🚀
  • معالجة الثقافة المالية المنخفضة من خلال ThndrClaps و Thndr Learn و Podcasts والسوق الافتراضي المتواجد في تطبيقنا🤓
  • التأثير النابع من خلالنا:
    • ٨٧٪ من مستخدمينا بيستثمروا لأول مرة
    • ٤٠٪ من مستخدمينا خارج المدن الرئيسية

العام الماضي كان مفيد جدا بالنسبة لنا لبناء أساسنا التكنولوجي وفهم احتياجات مستخدمينا وبناء ثقة مع مختلف الجهات في مجالنا. مع أن الطريق إلى أمامنا لسة طويل، قناعتنا عالية جدًا بأن بناء منصة بهدف تسهيل وصول أكبر شريحة لفرص استثمار وزيادة دخل هو الشيء الصحيح. دي لمحة صغيرة عن بعض الحاجات اللي احنا متحمسين عليها:

  • التداول في نفس اليوم في البورصة المصرية (عارفين انكم كنتم صبورون للغاية) ⚡️
  • خيارات تمويل أكثر شمولا مثل فوري و المحافظ الإلكترونية والبطاقات المدفوعة مسبقًا 💳
  • فتح حساب رقمي كامل للوصول إلى المنتجات المالية المصرية 📱
  • التوسع في الأسواق الأخرى والتمثيل الإيجابي للشركات الناشئة المصرية 🌍
  • المزيد من المنتجات الاستثمارية اللي تناسب شرائح مختلفة 🍱
  • بنية تحتية قوية ومنصة محسنة أكثر ملاءمة لمستخدمينا 💪🏼

احنا مقدرين صبركم و سعداء للي جاي ونحب نفضل متواصلين معاكم من خلال قنواتنا على Facebook و Instagram. للي مانزلش تطبيقنا لسة، نحب نشارك رحلتك الاستثمارية من خلال تنزيل تطبيقنا

سيف عمرو

الشريك المؤسس